لغة المغرب ...... سوري أقصد لغة العصر ..... ههههههههههه

طبعا ده لغة العصر وكل الشباب تقريبا عارف الكلام ده كويس وبقى من ضمن اساسيات اللغة بس ياترى هو كدة صح يعنى والمفروض نبقى كدة ولا احنا بنهيس على بعض عموما انا عندى تقريبا كل الكلام اللى بيتقال عنه كلام روش يا ترى ده روش ولا تهيييييييييييييييييييييييييييييييييييييييييييييييس
( كوول ):- روش

( كبر ):- لا تعطى للموضوع أهمية

( هرتل ):- هبل

( تكانة ):- غلاسة

( مستكنيس ):- مرتاح

( لخص ):- تكلم بإختصار

( أوفر ):- زايد عن الحد

( ينفسن ):- يحمل حقدا فى نفسه

( سياح ):- نشر الخبر

( برشطة ):- غلاسة و تقل دم

( حملجة ):- مصلحة

( نفخ ):- خنقة

( افش ):- خلاف مفاجئ

( اكحرتك ):- ابسطك وافرفشك

( سنجفتك ):- دلعتك

( مليطة ):- منورة

( فكك ):- ماتخدش فى بالك

( قشطة ):- حلو أوى اوى

( احلقله ):- اكسفه

( شحلفتك ):- ضربتك

( خليك فريش ):- كبر

( قصر ):- لخص

( اتنحررى ):- اتحركى

( متحورش ):- هات من الآخر

( لحاليح ):- فلوس

( ايه النظام ):- هنعمل ايه

( هشيبك ):- هرعبك

( متيسة ):- مش مركزة

( مفستك ):- تعبان

( مبقوق ):- مخنوق

( هيشكشكك ):- هيبهدلك

( اعلقها ):- اصاحبها

( نفضله ):- طنشه

( ظبطها لى ):- عرفنى عليها

( فاصلة ):- مش مركزة

( مش فى المود ):- مش رايق

( مهيس ):- مش طبيعى و مخرف

( هات من الآخر ):- اختصر فى كلامك

( بعتة ):- اشتغالة

( متزنجفين ):- مستوين

( انجز ):- بسرعة

( ثبته ):- اسرقه

( أستاذة ):- حلو أوى

( استخبس ):- فى الخباثة

( هنج ):- وقف عن العمل

( طبقها ):- اسرقها

( يا مان ):- يا راجل

( هسيف ):- هخزن

( خليك مفتح ):- ركز

( ماتبقش ):- ماتزودش فى الكلام

( ابستفك ):- ازهقك و ابهدلك

( فلسعة ):- هروب

( سهتنة ):- هبل و خبث

( فطشة ):- كدبة

( ترب ):- مقلب

( يعشش فى الدماغ ):- يثبت

( كرفاه ):- كرهاه

( طحن ):- جدا

( كيشنى ):- ادفعلى فلوس

( مزاولة ):- معاكسة

لا دا سويسي

تصدق ليقة فعلن علي العصر اللي احنا عايشين فية

دي اللغة اللي ماشية يا زيكو

في كلام اول مرة اشوفه

تلاقيكي متعرفيش غير كلام الظهر وبس

اي خدمه افتكري الجمايل دي