تعالوا نشبه الميكروكنترولر دة بمخ الإنسان البشرى
واحد هيقولى ازاى ؟
اقولك . دلوقتى لما بتيجى تعمل اى حاجة ممكن تقولى ايه اللى بيحصل جوة جسمك ؟
اقولك انا
دلوقتى لو انا عاوز اشيل كرسى من مكانه العمليه اللى بتحصل جوة جسمنا كالتالى
بنشوف بعنينا مكان الكرسى وبتتنقل الإشارة دى للمخ يقوم المخ باعت اشارة للقدم حتى تتحرك قدما نحو الكرسى لحد لما نوصل
للكرسى يقوم المخ باعت اشارة لليد برفع الكرسى من على الأرض
تعالوا نفسر الجزء دة هندسيا كدة
هناك SYSTEM وهو عمليه تحريك الكرسى من مكانه
هناك SENSORS تحس بالأشياء خارج جسم الإنسان مثل حاسه الإحساس وحاسه البصر
هناك CONTROLLER متمثلا فى مخ الإنسان
هناك ACTUATORS متمثله فى اليد التى رفعت الكرسى
طب ايه اللى نقدر نفهمه من المثال اللى فوق دة ؟؟
اللى نقدر نفهمه هو ان الميكروكنترولر هو زى المخ بالظبط ولو فهمنا كدة هنتعامل معاه ببساطه وسهوله بس سبحان الله المخ
البشرى بيقدر يتكيف وينمى مهاراته تلقائيا بالتعلم انما الميكروكنترولر احنا اللى لازم نبرمجه ونقدر نشيل البرمجه اللى عليه ونحط
اى برنامج تانى يعنى مش حاجة ثابته ودى اكتر ميزة تميز الميكروكنترولر
تعالوا نتعرف على اشكال الميكروكنترولر :-
فى شركات كتير فى مجال الميكروكنترولر بتنتج وحدات الميكروكنترولر التى يطلق عليها اسم
Micro Controller Unit (MCU)
ومن الشركات دى :-
atmel
microchip
national semiconductor
intel
analog_devices
hitachi
infineon
cygnal
zilog
انا مش عاوز اطول فى المقدمة دى بس هقول آخر حاجة وهختم بيها الموضوع دة بإذن الله علشان نبدأ بقى الشغل الجد فى مجال
الميكروكنترولر على حق
لماذا يجب ان نفكر بعقلية الميكركنترولر دائما عندما نريد صنع جهاز ما؟
دة سؤال مهم واكيد بيدور فى دماغنا كلنا وهرد عليه رد بإذن الله وافى
ببساطة لان للميكركنترولر وحدة معالجة مركزية بالاضافة الي انواع من الذاكرة مبنية داخله وموقتات ومخارج ومداخل وعدادات
و
ADC (Analog to Digital Converter )
و DAC (Digital to Analog Converter)
و و و و الخ.
وكل هذا في IC واحد سعرها بيوصل الى اقل من دولار احيانا و 10 دولار احيانا اخرى. وهذه الميكركنترولرات
تضاهي احيانا بل وفي احيانا كثيرة قدرة ال PC فى التحكم. اذ ان الميكروكنترولر عبارة عن كمبيوتر مصغر في IC.
لهذا تجد الاجهزة الحديثة قليلة القطع بعكس الاجهزة القديمة والتى اساسها الدوائر المنطقية والتي ترفع من تكلفة الاجهزة نظرا
لكثرة القطع وكبر اللوحة الالكترونية وبالتالى فالتكاليف اكبر. والميكروكنترولر هو الحل لمعظم المشاكل الالكترونية وهو
اساس معظم الاجهزة فحتى الريموت كنترول به ميكروكنترولر وكذلك الماوس والميكروويف وكل جهاز يتصرف بتلقائية.