أبوالعربي مهرب دولي
ابو العربي قاعد في قعده مع حبايبه بيحكي اللي حصل معاه ايام ما كان شغال في التهريب......
تعرف يا محمد .... أني كنت مهرب كبير قوي بس ربنا تاب علي دلوقتي وبطلنا نمشي في السكه دي
ازاي يا ابو العربي
في يوم عديت ع الاستاذ نبيه في الجمرك و انا شايل كرتونه قد الداهية عالموتوسيكل
الراجل هجم علي وفتح الكرتونه لقاها مليانه قش ....! ...
فضل ابن اللذين يفتش وينكش فيها لحد ما طلع الفيديو من قعرها...... وصمم يدفعني جمرك وغرامة كمان.....!!
قلت عليا التعمة ل مطلع عين أهله ..... تاني عديت عليه نفس النظام برده .... قعد ينكش الصندوق وطلع عينه وفي الاخر لقي ساعد يد صيني متسواش سبعه جنية ونص....
دفعت الجمرك والغرامة ع الجزمة ومشيت
فضلت علي نفس النظام دا تالت يوم ، ورابع يوم ، و أسبوع بحاله علي كده
لحد ما الراجل زهق من نفسه وبطل يفتشني
أتاري ابن اللئيمة كان بينيمني عشان يعرف اني بهرب ايه.... جالي في يوم وهجم عليه وفضل يقلب الصندوق وينكش فيه بس علي مين هيه الساعه الصيني مفيش غيرها
قعدنا عالحال دا شهرين وبعدين في يوم لقيت الأستاذ نبيه بيخبط علي في البيت وبعد ما خد الواجب بتاعه قالي
بص يا ابو العربي انا خلاص سلمت ، ومش قادر ، هموت واعرف انت بتهرب ايه بالظبط ان شالله أعدم عيني وعافيتي لو فتشتك تاني حتي لو مهرب دبابة
بس وحياة ابنك العربي تقولي انت بتهرب ايه....
وطبعا يا ابو العربي انت مقلتش للأستاذ نبيه انت بتهرب ايه..
انت عبيط ....!..دا حلفني بالعربي... قلتله طبعا
ها....! وطلعت بتهرب ايه يابو العربي ؟
- موتوسيكلات !