هناخد مع بعض كورس برمجة من الأول

بسم الله الرحمن الرحيم

[ندعوك للتسجيل في المنتدى أو التعريف بنفسك لمعاينة هذا الرابط]

يسعدني اكون معاكم في كورس للبرمجه متواضع وسريع وياريت تستفيدوا منه ولو بالقليل وتفتكروني بقى بدعواتكم

في الاول عايزين نتكلم عن مقدمه عن البرمجه

مقدمه

عايزين نعرف تعريف لغه البرمجه او ايه فايدتها
هو احنا يعني بنتعلمها ليه؟؟؟
لغه البرمجه بكل بساطه هي وسيط بين المستخدم والاله الي هي الكمبيوتر تتيح لينا اننا نتحكم في الاله ونوجهها لانها تشتغل بطريقه ميعنه وتطلع ناتج معين
هديكم مثال واضح جدا بقوله كتير لاي حد اكلمه عن البرمجه
تخيل انك حضرتك متعلم العربي وبس
وواحد كدا واقف في مكان معين راجل اجنبي ومش عارف غير فرنساوي
انت بقى عايز تكلمه وهو يكلمك
لا هو هيفهم لغتك ولا انت فاهم لغته
بقى الحل ان كل واحد فيكم بتعلم لغه معينه انتوا الاتنين فاهمينها وتتكلموا بيها
مثلا انت وهو تتعلموا انجلش وتكلموا بعض بيه
نفس الموضوع عندنا في الكمبيوتر انت عايز تكلم الاله الي قدامك وتقولها احسبي كذا واعملي كذا
لازم تتلعم لغه هي بتفهمها
ولغه البرمجه هي كدا بالظبط
بتكون متحمله على الاله وانت تكون متعلمها يبقى كدا الامور تمام ونبدا نشتغل ندي اوامر برمجه والكمبيوتر ينفذها بقى

فكدا اعتقد وضح لنا ان فايده البرمجه:
هي وسيط يتيح لنا اعطاء الاوامر للكمبيوتر ونخليه ينفذ شيء معين ويطلع خرج بصوره معينه في دماغنا كدا

عايزين نتعرف على بعض انواع لغات البرمجه
وانا مش هنوعهم بقى واقول ده لغات ويب ولغات دسك توب ولغات نتورك

هنتكلم بتقسيمات تانيه احسن من كدا وعلميه اكتر

اول نوع عندنا اسمه
Low level progarming langauge
النوع ده بنلاحظ ان اللغه فيه بتكون قريبه من لغه الاله الي هي زيروو وواحد وبعيده عن الانجلش شويه ورخمه بقى وصعبه ومش عمليه كتير كدا وحاجات كتير بتخليها صعبه شويه في التعامل معاها ومش تتيح لك تخلص بسرعه وعلى فكره كمان مش بتخيلك تتعامل بشكل واضح ومباشر مع البروسيرسور لانها اصلا مش قريبه اوي من لغه الاله يعني مش بتخليك متمكن من الكمبيوتر اوي
مثال على دي لغه الاسمبلي

تاني نوع اسمه
High level programing language
دي بقى لغات كدا قريبه من الانجلش كدا وحلوه ومعقوله ودي الي منتشره في ومرنه كدا وفيها مميزات كتير من الي احنا بنحتاجها في البرمجه وتسهل علينا تصميم المشاريع
مثال على دي لغة C,C++,...
معلومه :
اول لغه ظهرت من النوع ده كانت اسمها plankalkul
صممها واحد اسمه konrad zuse
يعني معلومه هامشيه كدا بس للي عايز يترسم شويه ولا حاجه بقى

تالت نوع اسمه
Very High Programing Language
ده شبه النوع الي فات كتير بس دا بقى مخصص لعمل معين فقط يعني فيه تخصص جامد لكل لغه في مجال معين

في بقى انواع كتير تانيه نذكرها كلها للعلم برده
Applicative programing language
Declarative programing language
Domain-Specific programing language
Expression-Oriented programing language
Pattern directed programing language
Mohol programing language
synchronous programing language
Quantum programing language
First generation programing language
Second generation programing language
Third generation programing language
Fourth generation programing language
Fifth generation programing language

الي محتاج معلومات كتير عن الموضوع ده ممكن يتفضل لينك على ويكيبيديا اهو
[ندعوك للتسجيل في المنتدى أو التعريف بنفسك لمعاينة هذا الرابط]

في عندنا كمان حاجه مهمه المفروض نعرفها
ان لغات البرمجه دي في منها الي بيستمي sripting languages
وفي حاجه ممكن مش نسمعها الي هي compiled languages
النوع الاول ده بيتنفذ من غير كومبيلر والتاني ده بيحتاج كوبميبلر
اكيد احنا برده مش فاهمين اوي كدا
بشكل بسيط النوع الاول يعتبر لغه برمجه صغيره كدا وامكانياتها محدوده والكمبيوتر لو نفذ فيها برنامج كبير اوي مش بينفذه بكفائه ولا بسرعه
بس الميزه الي فيه
انه مش بيحاج كومبيلر والكومبيلر هو برنامج ترجمه بيترجم لغه البرمجه للغه الكمبيوتر الي بيفهمها
دي بقى مش بتترجم مش لانها زيرو وواحد لا دي لانها اصلا بيبقى نظام التشغيل بيفهمها لوحده
يعني لغه كدا صغيره نعمل بيها حاجه صغيره كدا على السريع وعايزينها تتطبق على طول ومناسبه للبرامج الصغيره
ودي لغات مش كتيره اوي بس منها لغه الجافا سكريبت
وفي منها لغات برده للينكس اسمها بيثون وبيرل وشل سكريبت ودول بقى جامدين مع اللينكس يعني

النوع التاني بقى الي هو باقي اللغات العاديه الكبيره دي
ودي كلها بتحتاج لبرنامج كومبيلر بيترجمها الدليل على كدا اننا في الفيجوال بيسيك بنعمل برنامج بس لازم نحوله لامتداد exe
علشان يشتغل معانا اهو هو ده كومبيل

تعريف عمليه الكومبيل كدا اننا نحول من لغه برمجه للغه تانيه اخري تكحون اقرب للغه الاله علشان الكمبيوتر يفهمها ويطبقها

كدا انتيهنا من مقدمه صغيره كدا عن البرمجه بشكل عام
خلينا بقى هناخد ابسط لغه برمجه فيهم وهي لغه الفيجوال بيسيك دوت نت

طيب لغه فيجوال بيسك اي الفرق بينها وبين فيجوال بيسك دوت نت
قرايب دول ولا اصحاب ولا ايه؟

الفيجوال بيسيك دي الي بيطورها وشغال فيها شركه ميكروسوفت وهما الي بداو بعد كدا ييطوروها
الي لغه الفيجوال بيسك دوت نت ونزلوا بقى لغات تانيه برده باسم دوت نت
كلهم كدا بيشتغلوا في الدوت نت فريم ورك

والفريم ورك ده اسمه كدا اطار العمل يعني عباره عن مكونات معينه لازم تكون موجوده على جهازي علشان اقدر اشغل البرامج الي اتصنعت بلغات برمجه الدوت نت
زي الجافا كدا ساعات في الانترنت اكسبلورو بيقولك نزل الجافا الاول
اهو دي برده فريم ورك للجافا يعني ادوات وملفات بتخلي التطبيقات تشغل عندك
انما مش تفكرو انها بتخليك تبرمج دي بس للتشغيل فقط

كدا الي باقي هندخل بقى في الفيجوال بيسيك
ناخد تعريف المتغيرات وناخد بقى ازاي نكتب كود برنامج واساليب البرمجه والتخطيط لعمل برنامج وازاي نعمل لوب وجمل شرط وحاجات كتير من دي

بس ياريت تتحملوا شويه انجلش في الشرح لان المصطلحات الانجلش مش بحب اقولها بالعربي بيبقى شكلها وحش وكمان غلط نتعلم كل حاجه بالعربي لان غصب عننا هنقرا من كتب انجلش علشان نبقى عندنا خبرات عاليه

هناخد مع بعض كورس برمجة من الأول Icon_farao

» لغة الجيم "ج" أول لغه برمجة عربيه
» كورس احترافى ف البرمجة بلغة السى شارب